從來不喜歡分享自己內心世界既我
計下計下.........寫左bolg 都有好幾個月
幾乎每日發生既事, 都記錄低
對我e d 咁冇記性既人黎講都係一個好處
唔記得左既事, 可以睇番自己個bolg
好耐冇見既朋友, 睇到我個bolg 都話...
" 終於可以知多d你既野啦..."
"多謝你....分享生活點滴"..........
了解我的你, 應該知道我從來不善長用把口講野
我想表達自己...唯有你地用心去睇啦
曾經有人話 " 婷婷你冇表情個樣好惡呀,又唔講野, 一係你笑下得唔得?"
"有咩好笑姐....無啦啦笑, 你當我白痴咖..."
就係咁樣一句.....朋友面色都變埋
sorry 我就係咁直腸直肚.....
因為唔只一個人咁講, 連屋企人都係咁講既時候..
我忍唔住, 問dad " 我個人係咪好直呀 ?"
"係呀"
"但係我個人就係咁咖嘛, 唔通唔開心都要扮開心咩"
"你可以做番自己既, 不過可以的話咪講婉轉少少囉, 咪會冇咁易hurt人"
"....= =" 我盡力啦 "
一句"我盡力啦.." 之後, 都係時候諗諗點樣去盡力...
始終我都唔希望我會傷害到身邊人
