醒

一句 : 以後要帶眼識人

令我都不知道自己在6年裡的感覺是不是真的
伴在我身旁6年的那個人, 突然變得好陌生
到底是我沒有用心去了解他,
還是他真的是個演員, 可以把角色飾演得如此淋漓盡致

聽過身邊人的千言萬語….
我發覺自己真是好愚蠢
因為一切的疑點重重而我卻沒有懷疑過..
被利用了人與人之間的信任

盲目的信任, 而沒有真正去了解事情的始末
現在想起即使被騙了, 當時我也是心甘情願
現在的結果……我必須要去承擔
他不是一個有責任感的人, 不過我是…

一切傷過, 痛過, 反省過…
下一次必定不會犯同樣的錯誤

男人往往要女人在經濟上擔憂這麼多…
這個男人根本沒有資格去愛我

難忘的10月

2008年既10月係我人生中最難渡過的一個月
發生的事情實在....令我太傷, 是一個難以復原的傷口
可說是舊傷未癒....新傷就像一堆鹽, 灑上去真是痛上加痛

我相信身邊愛我的他...一樣覺得很痛
可惜這個傷口只能靠自己才可以復原

曾經真是接受不了, 不如.......我先離開吧
如果我真的是那麼自私的話, 他必定是最痛, 最傷的人
而且在這生命裡我還有很長的路....
還想看到細佬畢業....比比成長.....很多很多

所以不停的提醒, 勉勵........
"係邊度跌低就要係邊度企番起身"
我希望我身邊每個人都能夠做到
為自己的生命畫上一個完美的句號

"不是生命了結了, 就代表一切都完了
或者証明比人看我為你而犧牲是有多偉大, 多愛你
這樣做只會令你所愛的人, 抱著一生的遺憾活下去
假若你是愛對方的話, 你真的想對方充滿著痛苦渡過下半生嗎 ?"

未來人

今日我身處在現實既生活裡
但腦海卻想著很多未發生的事

沒錯..我的老土怪又回來了
老土怪又令我活在未來
事件未發生就已經用我豐富既幻想力
幻想出多個結局, 但那些結局永遠都只會是負面的
這些結局令我卻步
不敢再行前, 不敢說出我心中所想的事
其實我一直都打算把這件事藏在心裡

可是今日一早看到一篇文章
係我一個舊同學所寫的
內容大約講述一個中年男人
向他爸爸說出多年來想說的一句 “我愛你”
說完後兩天他的爸爸便心臟病發過世了
事件來得是非常突然
他感到難過亦感到開心
因為他能夠在爸爸離開前親口說出心底話
他回想起如果當日他因為一點怯懦而沒說出口
他可能一輩子都再沒有這個機會
從而他明白到什麼是珍惜
所以他沒有錯過機會, 沒有做到令自己覺得後悔的事

看過後令我感到很害怕
害怕在我離開人世的那一天, 才想起還有沒做完的事
因此離開也抱著遺憾

很想跟你說聲再見啦~~ “老土怪”

心中言

原來自私是可以埋沒自己的良心去欺騙別人

當你選擇去欺騙時, 可有想過被騙者的感受

當被騙者知道被自己信任的人欺騙時, 日後他還會對別人信任嗎 ?



事實上每件事都有兩面

欺騙人者可想成 “ 我只是沒有告訴你”

那麼你就是全心隱瞞



永遠把好看的一面揭出來

把醜惡的一面藏起來

那麼做人會過得舒服嗎 ?

如果你能夠過得舒服沒有受良心責備或覺得忐忑不安

那麼你只是自欺欺人, 永遠帶著假面具做人



相反世人永遠對一些勇氣面對, 表裡一致的人非常欣賞

即使他把醜惡一面揭出來, 也可看作不是那麼一會事

至少他能做到一件對得起自己的事

不用再擔心事件被揭露, 可以舒舒服服的做人



人生在世其實要面對的事有很多, 要承擔的責任也很多

假若每件事都需要隱瞞或是欺騙

這樣做人實在太苦了

擔驚受怕的日子可不是每個人都能夠過得舒服自然

備受這種壓力的人又怎會過得快樂呢 ?

奇異事件

番左新公司已經兩個月啦

近e 兩個星期我發現左一件怪事



我平時所坐既椅子係可以調較高低

如果張椅子升到最高既時候我就坐得比較辛苦

所以我通常都會較一半

但係近e 兩個星期我每一早番到公司

我張椅子都被人較到最高

起初都不以為意,

以為係呀姐幫我抹椅子時幫我較高左



直到今朝早

我終於忍唔住去問 GIGI

我 : 『gigi係咪我收左工走左之後, 仲有人坐我張椅呀?』

因為我通常係第一個走, 而gigi 會留到差不多最後先走

GIGI : 『冇呀, 你走左之後都冇人坐咖啦.』

我 : 『我每日番黎都比人較高左張椅呀, 會唔會係呀姐較咖 ? 』

GIGI : 『唔知呀 !』

每日相同時間呀姐都會入我地房加水

我就去問佢 : 『芬姐, 你平時抹椅既時候有冇較高我張椅呀 ?』

芬姐 : 『我做咩無啦啦較高你張椅呀, 我通常我係抹椅背同手抦位唔會較高佢咖。』

GIGI : 『下…咁奇怪。』

我心想 : 唔係呀嘛……咁邪, 唯有安慰下自己係張椅壞壞地, 所以自動升降啦

分享給你們的一個真人真事的故事

想分享給你們的一個真人真事的故事

節錄於 : 秘密



*********************************************************************

比爾．哈利斯 (教師、中心點研究院創辦人)



有位參加我線上課程的學生叫羅伯特 ; 這課程有些部分需要跟我通電子郵件。

羅伯特是個同性戀者，在他給我的電子郵件中，描述了他生活中所發生的殘酷事實。在職場上，他的同事聯合起來欺負他 ; 人們對他的惡意，讓他一直感到壓力。走在街上，到處都碰上厭惡同性戀的人用各種方式去羞辱他。他想成為單人表演的喜劇演員，但在台上表演時，每個人都用同性戀的話題挑釁他。他的生活充滿著不幸和悲慘，焦點都圍繞在「因身為同性戀而被攻擊」的想法上。



我開始教他，是他自己一直把焦點放在不想要的事物上的。我把他的電子郵件寄回去，並跟他說 :「你再讀一次。看看你跟我講了多少你不想要的事物。我看得出來，你對這些事反應非常激烈 ; 而當你如此激烈地把焦點放在某事上，只會促使它更快發生 !」



於是他開始「專注在想要的事物上」這件事謹記在心，並且開始真的試著去做。接下來六到八星期內所發生的事，簡直就是奇蹟。以前在辦公室騷擾他的同事，不是被調往別的部門、離開公司要不就開始完全不再煩他。他開始喜歡他的工作了。當他走在街上再也沒有人騷擾他，他們全不見了。

當他照例上台表演，他開始獲得觀眾的起立喝采，而且沒人挑釁他了 !



他整個生命都改變了 ; 因為他從專注在他所不要、所畏懼、想避免的事物中，轉變成專注在他真正想要的事物上。



*********************************************************************

羅伯特的生命改變了，因為他改變了思想。



你的生命掌握在你手中。不論你現在身在何處、不論你生命中發生過什麼事，你都可以開始有意識地選擇你的思想，進而改變你的生命。根本沒有所謂的「絕境」 ; 你生命的每個境況，都是能改變的 !

知己

所謂的知己就是比愛人細心更懂得你

會比愛人更懂看你的眉頭眼額

當愛人不懂得你的時候,

那位知己必定會出現在眼前給你一點安慰



當與愛人打得火熱時, 忘卻了知己的時候

知己會在遠處希望你們相處得快樂, 為你默默的祝福著

因為知己絕對懂得體諒你, 從不介意存在的價值

你會痛恨粗心大意的愛人, 而知己卻體貼粗心大意的你

至於知己關係能為持多久

那就要看你有多重視那位知己

人生如戲

曾經聽過別人說

香港人每個都自私自利….毫無人情味

但記得小時候,

老師教導我們同學之間要互相幫助, 相親相愛..

可是長大後…

進入了社會大學又有多少人能夠記得老師的教導呢 ?



來到社會大學別人只會說, 出來工作就是這麼現實

現實就是非常殘酷, 充滿著爾虞我詐, 勾心鬥角….

有良心一點的只會把自己的事做好就是,

辦公室裡只有個體, 而沒有團體…

老師教導完全的…忘了

那麼做事又怎會有效率可言呢 ?



有些人會因為別人這樣我便這樣, 寧願做一個沒有靈魂的軀殼

也不願為自己的人生做一點有意義的事

這樣能活得快樂死後能夠無憾嗎 ?



只想說一句 : 『虛耗的時間夠了

好好把握現在所想的, 去創造下一個未來』

思考

不論有無察覺, 我們大部分時間都在思考

說話或聽別人講話時, 你在思考 ;

閱讀報紙或看電視時, 你在思考 ;

回憶過去時, 你在思考 ;

考慮未來的事情時, 你在思考 ;

開車的時候, 你在思考 ;

早上準備一天的開始時, 你在思考 。

對我們許多人來說, 只有在睡覺時才不會思考。



你現在所想的, 就在創造你的未來,

你用思想創造你的生命,

因為你一直在思想, 你便一直在創造

你最常想的或最常把焦點放在上頭的,

將會出現在你的生命中, 成為你的人生 。



** 希望大家都會明白~好好努力

可有聽過 “吸引力法則” 嗎 ?

吸引力法則就是創造的法則,

量子物理學家告訴我們,

整個宇宙是從思想中出現的

你籍由思想和吸引力法則,

創造出你自己的生命, 而且人人皆然。



吸引力法則給你的, 就是你所想的 ---- 就是這樣 !



<<包伯 · 普克特>>

別了自己

在新公司差不多兩個月, 還在努力適應中
現在發覺...我已經冇左以前那份敬業精神了
以前的工作無論多辛苦, 工作量再多..
我都會全心全意, 做好為止
但是來到這家公司...好像已經沒有那份耐心
或許......我真的忍受不到那些經常在別人背後閒言閒語的小人
我對現在的工作..有很多怨言和不滿
這些負面情緒已經開始影響了身邊的人
他們很多都說.....沒有看過我這麼不快樂..
有時裝作很快樂, 但亦難免........被人看穿

真的很懷念那個自己
那個就算辛苦也會樂在其中的自己
不知道那個我....
會在什麼時候回來呢 ?/

Love China

尋日食完野就番左屋企睇奧運比賽
跳水, 舉重, 柔道…..都好精彩
睇到我同媽咪都好緊張
一個奧運…張我同 daddy, mummy 都連起來
大家都係鍾意睇某一d 項目

往年我都冇睇過舉重項目咖
不過今年睇到龍清泉…e個咁 Q & baby face既選手
我都堅持要睇到完場為止
佢實在太可愛啦, I like it ….wakakakakwakaka ^^

睇到冼東妹為左國家既犧牲
真係令我好佩服, 亦令我感受到一份愛國既情感
想唔到….中國人會比我們hk 人更懂情義

Good or Bad news ?

中國等左百年既奧運今日終於開幕啦

相信每個愛國既同胞都會感到好開心



不過我就相反

可能因為我對中國冇咩好感

加上習慣我住收音機訓既我

一早就聽到新聞話有恐怖襲擊

都係衝著北京奧運而來



真係最唔想睇到既事

好怕會有更多無辜既人受傷害

諗起911個陣

當時眼見好多人欲哭無淚既樣

真係好傷感……..



E 一刻我個腦充滿著問號啦

真係好唔明白點解一定要發動襲擊

點解一定要有人命傷亡呢?

最不願意的一天假

一個八號風球我被迫放了一日假
可能對好多人來說是一件開心事
但對我來說很痛苦

一來我不討厭我的工作反而很享受
“無論工作量多少有多辛苦, 如懂得享受當中必定找到快樂”
這是我常勉勵自己的一句話
因為世上是沒有做得完的工作, 做完這份還有下一份
既然工作是沒完沒了何不帶著開心快樂過每一日呢
做人也是一樣

二來八號風球除了留在家中
就沒有其他的好去處
因為所有的舖頭都不會開門
還有因為風球既關係
為家中的洗手間帶來了不少我害怕的 “小強”
正所謂“有家就不想逗留, 家外就不宜久留”

唉…..很討厭打風

People in Hong Kong

有一日食晚飯時我提起話要番屋企睇 “家好月圓”
恆仔就形容e套劇只係不停睇人鬧交
一點興趣都無
我就反駁套劇演成咁都係為左配合香港人既口味
而家香港人就係鍾意睇e d 劇集

看似香港人的品德修養好像被淪陷了

喜歡上看別人吵過你死我活
而站在旁邊冷笑或加一把咀說三道四
有些會冷眼旁觀或不肖一看
你們有你們的吵, 我有我自己要做的事
但從無一個人打算把事情解決
這些就是現今的香港人

假如我可選擇的話
我必定不會生小孩
因為我不希望他日後會變成這樣的人

我有一個朋友,
他跟女友已經拍拖了14年
但一直都沒有打算過結婚或者生小孩
首先他們不想有小孩
因為他跟我說 “而家e個世界已經污染左生出來都只會害了下一代”
既然不打算生小孩, 婚對他們來說不結也吧

所以呢有些事情你不是身在其中
你是不會明白當中的苦

戀愛生活

世上每個人所追求的戀愛感覺都不同
有些會喜歡浪漫、刺激、充滿驚喜、平淡……等等的戀愛生活
可是…..不一定每段戀愛大家都能夠先了解或認識
以我所認識的人
他們拍拖日子久了..都會發覺自己選錯了
拍拖數年才發現對象不是自己喜歡的類別
但又不可能把他改變成你喜歡的類型
因為這樣相處下去大家都會覺得痛苦
可是要自己去遷就別人亦苦了自己
由於時間….大家都適應了有對方的生活
一時間說 …“我覺得你不適合我..”來結束
難免會有一刻對方會接受不了
先要明白一個道理
因為你覺得對方不適合…..不等於你不適合對方

很討厭聽到
“ 你要點先唔會離開我, 我會去改…”
改了….那個就不是你
一起下去, 你會覺得舒服嗎 ??
好像一個演員…演一個跟自己性格完成不一樣的人
你會演得自然嗎 ??

常常聽到….要別人愛你先要愛惜自己
可是你卻選擇改變自己去迎合其他人
這樣做就叫愛自己嗎 ??

戀愛就是充滿矛盾......

p.s 希望每個人都能夠找到完全適合自己的 Mr. right 啦 。

迷上四川菜

而家真係非常喜歡食四川菜
由開頭食到 “ci..ci..sir..sir..狂飲水”
到而家已經覺得冇咁辣, 又唔洗 “cici sirsir”..又唔洗飲水
我受辣既程度已經上升不少啦…哈哈

每次同佩宜食完四川菜都有一種好滿足既感覺
而家就好似上哂癮咁, 個個禮拜都掛住四川菜
所以呢…..為解對四川菜既相思之苦
我地已經決定左每逢星期二都會去食四川菜
而家諗起都覺得好興奮呀 “…^^…^^…”

尋晚試左個新菜 “麻辣蝦..”
覺得好普通…..都係辣子雞同水煮魚最好

***四川菜我地又要等多一個星期……….先有得見啦 ~@!~@~

比比影片

在心中吧

話咁快, 又一年啦
我daddy 又老一歲
時間過左2, 3年, 但係daddy 個樣就好似老左10年

佢太多野煩啦, 白頭髮變多了
同往年一樣, 徒弟們會同佢提早慶祝
我地就係正日慶祝
尋晚係酒席上面, 玩左好幾個遊戲
之後就叫daddy 獻唱 " 最愛是誰 "
唱完之後, betty 問 daddy 最愛是誰
daddy 話係師傅, 廟永遠都係擺第一位
講完之後, 即刻有人打圓場 " 男人背後一定有個女人既最愛更係師母啦 "
但係daddy 堅持話 " 廟永遠都係第一位, 因為師傅改變左我一生"
daddy 帶住醉不停咁話 " 第一一定係廟 , 師母永遠都係第二 "
完席既時候 daddy 因為掛住師傅而喊左出黎, ........
我好似冇見過 daddy 喊...

當所有人都走左之後, daddy 同我講 " 呀女唔好介意 daddy 咁講呀 "
" 我唔介意呀 "
"我都好尊敬師傅, 我覺得佢唔止改變左daddy 既一生,
而係改變左我屋企每一個人既一生
我真係唔介意你將廟放係第一位, daddy總之一切在心中吧 "

不好愛...?

當戀愛變得可有可冇.....心裡沒了對方
那...就不好愛
當愛得自私自利.....不理對方感受
那...就不好愛
當愛得受了不少傷害
那...就不好愛
當愛變成了習慣, 只有慢慢去適應
受不了...就不好愛
當愛得快樂全沒了
那...就不好愛
當愛了變得依賴
那...就必需獨立起來
****************************************

愛會帶來快樂, 亦會帶來悲傷

無論傷害有幾深, 都必需懂得自愛
不懂自愛, 又怎會懂得愛人呢 ?

new job

番左新工都兩日啦, 都唔錯
人都好nice, 坐係我隔離既gigi 同我一樣都係咁鍾意講野
再熟落d, 一定好熱鬧
到時實嘈死 malory

不過個office 就大左d, 大到好似個迷宮咁
今日派信找siow 間房.....重複行左幾次先找到..真大鑊
唔知要適應幾耐先記得哂d房係邊呢 ?
有種驚感覺....就係行左出general office 間房就唔識行番轉頭啦
一切都慢慢黎啦

*************************************

尋日lunch 落左元朗食泰國菜,
之前都同 bv d 同事去咖
真係有d 掛住你地......添

戀上了.......張 x . x

近日發左個夢

夢見同張敬軒拍拖呀, ^^
我一直都唔係張敬軒既fans, 但係發完個夢之後
開始..都幾鍾意佢添
可能因為夢裡面既我地係一對剛拍拖既情侶
當然係非常 sweet sweet 啦

發既時候sweet ,講比人聽既時侯都好sweet 咖

不過佢地就話 " 你係咪仲未訓醒呀 ? ", "而家兩點幾啦咪發夢啦"
.................................................= ="
真係一面無奈, 洗唔洗咁講野呀..你地班死野
發下夢唔得咩

on 28 June ,A Film Let me Know.

今日好累啦

同FANNIE 行完街
約左高佬佢地打邊邊
之後去左睇戲
"殺神特工" 一套我冇咩興趣去睇既戲

首先係對D 主角冇興趣先啦
加上劇情 , 並唔係我鍾意既類別
總之就一定唔會覺得好睇啦
我本以捨命陪君子的心態去睇
睇完發覺.......
有時真係唔可以單憑自己既感覺去判斷一套戲好唔好睇咖
係一定要睇過先可以.....作出批判

突然間覺得同做人..好相似
都係唔可以單憑外表同感覺
要相處落先可以了解對方
一定要經過 , 言談 -> 事件 -> 結果
先可以知道應否同對方交朋友

『何謂親戚朋友 ?
點解親戚同朋友要連埋一齊 ? 點解唔係親戚愛人/老公 ?
結婚始終都係由一張紙來連繫 , 紙沒有了 , 婚姻便結束
親戚就由一點血脈來相連
朋友就好似有一條線來牽引著 , 有時可能一個笑容已經知道對方在想什麼

所以親戚朋友 就是 不易被禠奪
結論 : 一切關係是維繫或是毀滅都只在乎於 , 你會有多重視呢?』

選擇

當別人愛惜你、著緊你
而你卻繼續選擇放縱...
終有一天
別人亦會選擇放棄你...

那時學會反省未算太遲...

但依然繼續只顧自我
代表你亦已經放棄了自己

雨聲不絕

近日個天都唔知搞咩鬼
不停咁落雨, 由番工到收工都冇停咁
有時仲越落越恐怖呀 d 聲, 好得人驚..........

"成日咁落雨....唔通連個天都唔想我番新工"

而家先叫熟手一d, 又唔想咁快走....
加上pollard 個便...我睇一定唔會加啦
因為加得我就一定要加埋kaman 唔可以咁唔公平咖嘛
所以呢...都係留番係度做住先

今日同irene 食飯, 提起做地盤.....
佢話一定要睇下邊個係大判
咁 c10 pollard 請我, 咪即係唔洗諗
但係alex 個便....佢又打比我, 我聽唔聽好呀???

開心 / 錢 ??? 邊樣好 d 呢

Chung Sing Primary School

今日check facebook 有人邀請我加入 Chung Sing Primary School
估唔到, 自己間小學都開一左個group,
上到去睇番d畢業生相
一睇......原來我係98年畢業生,
突然間覺得自己老左好多
已經畢左業10年啦, ...
仲覺得好似係尋日既事
而家 Chung Sing Primary School...都轉左校址,
我都好耐冇番過去啦,
唔知d呀sir 仲有冇係度做呢 ?
記得最後個班主任叫 " 何成禮" 佢個下巴好似個patpat咁咖, 上親堂都好想笑佢
常識老師 我諗e 世都記得佢個名"葉榮生" 佢幫我改左個名叫"殺人王"
而家諗番就覺得好笑,
個陣時比佢話就好鬼憎佢
佢既冷笑, 真係令人毛管都豎起
最有型都係"鄧sir" 聽講家姐好似一直都暗戀佢, 哈哈哈...

諗下諗下, 好耐都冇聯絡過d小學同學啦
上facebook 找都找唔到, 佢地好似失哂蹤咁

唔係喎, 小學同學仲有我細佬呀, 我地以前係一班咖
差d 醒唔起佢都係我小學同學添
好搞笑, "蕭sir" 叫我地做拉仔, 拉女....
好懷念呀

冷清的端午節

今年端午節...
只係得我, 媽咪 & 比比 一齊造節
個感覺好冷清,
家姐要番工.....dad 又有野做 & 細佬又係澳洲
我都有好幾個星期冇同dad 食晚飯啦
近日大家好似連傾計既時間都冇
佢實在太忙啦.....
今年造節都係係茶機枱食飯, 屋企張餐枱.....好幾個月冇月過
屋企...充滿著寧靜, 蚊飛過都聽到啦..........

堅持

番左一日工
個感覺好奇怪, 新公司d 人都怪怪地咁
我好怕同佢地相處唔到
突然間又好想番去bv 做
兩份工之間...都有好有唔好既
新公司個工作地方就唔及bv 咁乾淨整齊......最好都係部影印機 , 哈哈.......
係e 度我要同site agent 一間房, 有d唔慣........係bv 坐正中間咖嘛
黎到e 度要坐入房, 好似要與世隔絕咁
人工又高咁多 .... 洗唔洗坐大比咖 ???? ....

e 度d 同事成日都遲到, 真係好怕我都會養成e d 壞習慣

" 堅持.....堅持.......幾多錢一茶匙呀 ..."
我相信只要堅持落去, 3年內.....我一定會去到意大利咖 .....呵呵呵......

Good New

今日有一個好消息~就係找到一份新工作

有新工作, 條件又唔錯...
不過就有人歡喜有人愁
我自己我又何嘗唔係

係bv 都做左一段時間, 當然都有唔捨得啦
但係手掌又係肉手背又係肉, 點都要為自己打算一下嘛

學ivan 話齋" 找到份人工高d 既工, 就可以快d儲到錢達成我既夢想
要得到一d 野, 就要失去一d 野
但係我相信係度認識既朋友係唔會失去既

最開心既係, 當我同家姐細佬講e個好消息時, 佢地都好支持我
唔開心既係, 你地個個都話冇左我...e 個開心果呀
又一次, 有人咁講啦
看來我應該比多一點自信自己, 相信自己其實我並不渺小

新工作~令我好意外, 因為來得都好快, 好突然
條件已經超出我所預期...
希望~~過到去一樣可以開開心心咁工作啦

今晚~先去佩宜屋企打邊爐慶祝一下...找到好工
跟住再直落同fannie 佢地唱k~ yayayaya

而家諗起都好興奮呀 ~@!@#~@~!@~!@#~!@~

drama, love and lationship

It's not about who's right or who's wrong
It's not about who's weaker or who's strong
It's not about who's innocent or who's fault
It aint really bout that kinda thing at all
It's not about who does it or done it or did it to who
Dont matter if the both of you lose
It's really not bout nothing excpet for me and you girl

It's about drama and love and 'lationships
and when the going gets tough you deal with it
and you dont ever you never walk away from it
you hold on you be strong
It's about drama and trust and making it
if your somebody messed up you dig it in
dont let nobody come between you you just stay with it
you hold on and be strong
and hold on, yes you do

It's not about the stupid things that we say
Were always saying stupid things anyway
It's not about the secrecy of the lines
Girl everybodys gots a secret to hide
It's not about who was it who was she who's creeping on who
Wont matter if the both of us lose
It's really not bout nothing, cept for me and you

Aint bout your pride
Aint bout yourself
It's bout you do it to and noone else
Aint bout the her
Aint bout the lies
Aint bout the crazy things thats running through your mind
It's bout the love thats supposed to last and never dies

Lost...

感覺自己開始有點迷失
每日都不知道自己在做什麼
每日所做的都不是我所想的

回到家....家好像有更多不愉快的事
已經不像以前那個家了
餐枱很久沒有用過啦
想吐卻吐不出來
想哭又哭不出來

有一刻真係想離開...公司, 屋企...什至香港
重新來過.......做回一張白紙

"你看的可能是彩色 , 可是我看的只有黑白灰..."
"開心與樂天掩蓋了我的失落與悲觀"

遊地獄記

希望大家睇完都會有些啟發
能力範圍能夠做的事情 , 請盡力去做 -- 去幫忙
細心想想在災難發生時 , 自己能夠做些什麼 ?

http://tcstreet.com/Book/buddha/10hell/content_10hell.htm

沉重的...

近日太多事發生了
心情變得非常沉重
好像一切都控制不到
控制不到自己既心情, 不開心既事情係我腦海不停湧現
想哭亦哭不出來......
而我可傾訴的只有一個人
身邊最親的....反而不願跟他們說多半句
我實在怕他們會擔心

今日下午係公司裡, 閞大了喇叭
依然覺得十分寧靜
大概是我還未能看透同適應這個殘酷的世界
心裡面有太多想法, 太亂啦.....
音樂.......一點都聽不到耳裡, 亦入不到我的心渦
記得"好好擁抱"這首歌是我覺得最渦心的一首歌
可是今日聽了很多次....個心都好像冷卻了
似是無論天氣有多熱都溶化不了

盡力~

從來不喜歡分享自己內心世界既我
計下計下.........寫左bolg 都有好幾個月
幾乎每日發生既事, 都記錄低

對我e d 咁冇記性既人黎講都係一個好處
唔記得左既事, 可以睇番自己個bolg
好耐冇見既朋友, 睇到我個bolg 都話...
" 終於可以知多d你既野啦..."
"多謝你....分享生活點滴"..........

了解我的你, 應該知道我從來不善長用把口講野
我想表達自己...唯有你地用心去睇啦

曾經有人話 " 婷婷你冇表情個樣好惡呀,又唔講野, 一係你笑下得唔得?"
"有咩好笑姐....無啦啦笑, 你當我白痴咖..."
就係咁樣一句.....朋友面色都變埋
sorry 我就係咁直腸直肚.....
因為唔只一個人咁講, 連屋企人都係咁講既時候..
我忍唔住, 問dad " 我個人係咪好直呀 ?"
"係呀"
"但係我個人就係咁咖嘛, 唔通唔開心都要扮開心咩"
"你可以做番自己既, 不過可以的話咪講婉轉少少囉, 咪會冇咁易hurt人"
"....= =" 我盡力啦 "

一句"我盡力啦.." 之後, 都係時候諗諗點樣去盡力...
始終我都唔希望我會傷害到身邊人

又病了

我又病了
又係腸胃炎.....
根據資料顯示我幾乎每個月都有一次腸胃炎
看來我真係要好好注意我既飲食習慣啦
一見到e生... "妹妹今日咩事呀?"
'我個肚好痛 同埋痾..'
"有冇諗到食左d咩搞成咁呀?"
'應該係打邊爐個d象拔蚌 同埋生蝦'
"妹妹你做咩咁熱天時仲打邊爐呀? 仲食埋象拔蚌同生蝦....唉"
"你係咪就咁食呀? 有冇加埋醬呀?"
"有呀, 加左wasabi 同泰式辣醬呀...."
e 生即係摸住個頭.....唉
睇到我都忍唔住笑, 覺得佢好似冇我符咁
"計唔計到痾左幾多次呀?"
' 完全計唔到', "有冇5次?"
'一個鐘都有5次, 一日已經超過左5次'
e生檢查完我個肚肚之後..
"拿.....妹妹你一定要戒口呀, 酸、辣、牛奶、茶、bbq、打邊爐.......一定要戒足一個星期呀"
我即時覺得晴天霹靂....咩都唔食得, 生活會沒有意義
唔知我會唔會忍到一個星期呢 ?

我真實的一面

您是一個創立者/探索者

您很受歡迎, 是個可以信任, 可靠的人. 大家因為種種原因而喜歡您; 您在人群中是穩定, 忠誠, 充滿關懷的一個, 並且您具有豐富的常識.

您是一個保護者. 與朋友們, 家人以及同事間的關係對您來說很重要. 因此您花費時間與精力來發展並捍衛您的這些社交網絡.

您是個很好的執行者和管理者. 人們本能的認為您可以有效的管理好財務上,商業上和社交上的各種事宜. 由於您的實際和明智, 您的確可以做到.

您努力工作. 您喜歡計劃. 您注重細節. 並且您總是尊重傳統. 因此您給您的生活和工作圈子帶來力量和穩定感.

同時, 您欣賞不造作的人, 您喜歡新奇的點子和經歷, 只要是不具有危險性的. 社會地位和舉止合宜對您來說很重要. 並且您會擁有深厚可靠的友誼.


您主要的和潛在的性格類型
您的主要性格類型 = 建立者
您的潛在性格類型 = 探索者


探索者-探索者 - 27% 談判者-談判者 - 19%
建立者-建立者 - 28% 領導者-領導者 - 26%

您的性格如何顯示
總共4種的性格類型特點都可以從我們每一個人身上發現, 但往往只有一種性格類型起支配作用. 我們叫這個做主要性格類型. 性格特徵測試還可以測出您的潛在或第二性格類型. 您也會顯現一些您的潛在性格類型的特徵, 雖然它不會全部顯現, 或者像您的主要性格類型那樣明顯.

建立者, 28%: 通常非常受歡迎. 忠誠於家庭.冷靜的舉止和少顧慮. 通常始終如一,忠誠和對人關切保護.

探索者, 27%: 眾所週知充滿活力,富創造力和自發性. 尋求新穎,風險和樂趣. 智力地好奇以及不容易被其他意見所動搖.

談判者, 19%: 善於觀察縱覽,長遠計畫和合意的建設.一位有直覺力的思考者, 靈活,善於辭令和交際. 具豐富的想像力,感染力和培養力.

領導者, 26%: 大膽,有獨創性,直接和有發明力.一位不遵奉習俗的人.擅長抽象的思考和短期的計畫. 常常獨斷和十分具競爭性.意志堅強和有能力.

星爺笑爆咀語錄

《西遊記大結局之仙履奇緣 》
唐僧向孫悟空說﹕做咩呀？你愛呀？你愛要出聲先得架，你愛我俾你，你唔愛我當然唔會俾你啦！無理由你話愛我唔俾你，你唔愛我俾你ga嘛！大家講道理嘛！拿，我數三聲，你話愛唔愛喇喎？

《審死官》
宋李氏解釋為何帶楊秀珍回家﹕
呢個女人個老公，係俾呢個女人個老公既大佬同呢個女人個老公既大佬既老婆毒死，呢個女人既老公既大佬同呢個女人個老公既大佬既老婆仲陷害呢個女人，話呢個女人殺死呢個女人既老公，好彩呢個女人有個妹仔話俾呢個女人知，個女人就溜夜走出黎搵呢個女人既二哥，點知呢個女人既二哥又爛賭又冇人性，呃晒呢個女人既錢，仲將呢個女人賣俾呢個女人既二哥既同姓兄弟做老婆，後來呢個女人既二哥，仲dum低埋呢個女人自己走左去，咁呢個女人就跟左我返黎。

《破壞之王》
老闆為榮記茶餐廳宣傳﹕我地既菠蘿飽裡面真係有菠蘿既，我地既西多士真係有屎既！

《破壞之王》
何金銀接受訪問﹕除暴安良係我地做市民既責任，而行善積德亦係我本身既興趣，
所以拖阿婆過馬路我每星期都做一次，星期日同埋公眾假期有三四次添既。:

《國產凌凌漆》
唉~~~你咁樣做係無用ga，好似你呢d咁出色既男人，無論匿響邊度，都好似漆黑中既螢火蟲一樣，咁鮮明，咁出眾。你憂鬱既眼睛，唏噓既鬚根，神乎奇技既刀法，同埋果杯Dry Matinee，都徹底將你出賣左……雖然你係咁出色，但係行有行規，琴晚果筆過夜數你都未找，叫雞唔洗俾錢呀？

《國產凌凌漆》
凌凌漆：咁多年啦，我以為國家已經將我忘記左。
司令：點會呢，就算係一張廁紙、一條底褲都有佢既作用ga嘛。
凌凌漆：呢個比喻真係一流。

《西遊記大結局之仙履奇緣 》
菩提：你暈左既時候，叫左「晶晶」呢個名九十八次。
至尊寶：晶晶係我娘子。
菩提：仲有一個名叫「紫霞」既你叫左七百八十四次。
至尊寶：喂~~
菩提：七百八十四次，阿「紫霞」梗係爭你好多錢。

《西遊記大結局之仙履奇緣 》
唐僧唱Only You﹕ Only You　Can Take Me取西經
Only You　能殺妖精鬼怪 Only You　能保護我
唔俾d蚌精蟹精嗒我　只有你咁勁　就是Only You
On~On~On~Only You　莫怪師父「暗沉」
戴番個箍　莫怕死咪發Ti Teng
碰到釘咪驚　I understand　要全力地去do　要驚就兩分驚　喃嘸啊呢陀佛

《西遊記大結局之仙履奇緣 》
唐僧向妖魔講道理﹕所以話做妖同做人一樣，都要有仁慈既心。有左仁慈既心，就不再係妖，係人妖。

《西遊記大結局之仙履奇緣 》
人同妖都有阿媽生，不過人係人那媽，妖係妖那媽

《西遊記101回之月光寶盒 》
至尊寶：邊個﹗
菩提老祖：我咪你帶番黎果揪菩提子囉！
至尊寶：你係菩提子？
菩提老祖：唔係，我係「菩提老祖」呀！
至尊寶：咩「唔提老母」話？
菩提老祖：你講粗口，我係「菩提老祖」呀！我係神仙呀！我化做提子黎救你ga！
至尊寶：你撻左我揪菩提子，仲「唔提老母」！

《回魂夜》
Leon解釋自己點解咁大膽﹕好話唔好聽，我由BB仔開始已經見過飛碟，即係世人所講既UFO，不明飛行物體你懂唔懂？四歲果年我又見過傳說中既尼斯湖水怪，又同喜瑪拉雅山既大腳八傾過偈猜過枚，再加上我由細到大，日日朝頭早都玩過山車，晏晝就玩海盜船，亦都會朝頭早玩海盜船，晏晝先玩過山車，黃昏再玩多次海盜船都試過呀我話你聽。

《回魂夜》
鐵膽：你俾隻野摙到七孔流血你都唔死得既？
Leon：七孔流血還七孔流血，死還死，兩樣野黎既，千祈唔好混淆。

《大內密探零零發 》
病人：大夫，我…………
零零發：開劑藥過你好嗎？
病人：咪咁心急咋，聽我講埋我有乜野唔妥先啦！
零零發：咩唔妥都係開劑藥既姐，冇第二條路行ga啦！
零零發：拎藥……俾錢……送客。
病人：大夫，我一場黎到，俾我講埋我有乜野唔妥先啦！拍爛檔啦！等我講埋先啦！
零零發：我俾你講，一路行番屋企一路講丫，到屋企都仲未講完由頭再講多次添丫！下一位。

《大內密探零零發 》
佛印：好啦！好啦！即刻頒埋今晚既壓軸大獎，相信大家一定估到既，冇錯，最佳男主角就係…………阿發外父！
阿發外父：哈哈哈哈……我知ga，如果唔係我，邊個係姐！哈哈哈……我見到佢入左雞竇呀！
零零發：咪住先下，對唔住。正話果場戲我由頭帶到尾ga嘛，係水準之作有目共睹ga啦！你點會比果條契弟。
佛印：你都唔錯，但係流於表面，好似頭先老婆聽你心跳果場戲呢，表情造作，略嫌浮誇播。
零零發：呢d係世俗人對我既睇法姐，你冇理由都唔識貨ga！

《食神》
張檯有咁窄得咁窄，張凳有咁迫得咁迫咪等d友坐得咁舒服，食完拿拿聲好走，支飲管有咁粗得咁粗，冰有咁大舊放咁大舊，杯汽水咪chur一聲飲完買過第二杯囉！

《食神》
味公主的評述﹕好輕功！輕功奧妙之處係可以令一個好似海狗咁重既人，飛到老鷹咁高，其間仲可以鬼殺咁嘈……

《食神》
好摺凳！摺凳奧妙之處係可以藏於民居之中，隨手可得，而且仲可以坐住佢黎掩藏殺機，就算俾差人拉到亦都銼你唔入，真不愧為七種武器之首。

《少林足球》
五師兄遊說二師兄組隊踢波…………
五師兄﹕不過我前排我見你仲倒緊屎ga，點解好地地又轉做洗碗呢？
二師兄：點解？「點解」唔係你地問呀，係我問呀！點解我老豆唔係李嘉誠？
點解我生得咁靚仔，但係要甩頭髮；你地兩個咁肉酸，
但係冇甩頭髮？（五師兄同明鋒即刻撥自己頭髮）點解人地細個時有書讀，
而我細個時就俾個老坑逼住練咩爛鬼武功，練到依家起呢度，洗碗！倒屎！
五師兄﹕二師兄，你冷靜d啦，其實命運始終掌握起自己手既。
二師兄：冷靜？如果我唔夠冷靜呀，我就一刀斬死你兩個粉腸！冷靜？

一個人的晚飯

今日屋企晚上得番我一個人


當我6點番到屋企既時候, 竟然一個人都冇
媽咪去左旅行, 去旅行之前佢買左D餸比我
等我可以係屋企煮飯食........
但結果, 今晚就只有我一個自己食飯
一個人....食飯真係有D悶
好彩仲有獎門人陪我食姐....
餸有"老水雞亦"同"節瓜粉絲", 本來節瓜粉絲有一半留番比FANNIE食咖事關佢同我一樣鍾意食E個餸
BUT ....SO POOR, 我煮既時候掛住講電話冇睇火 ><

結果煮燶左.....唉, 第一時間覺得點解我會咁大頭蝦咖
搞到聽日LUNCH 少左個餸添
FANNIE 希望你唔好怪我啦 ...HEHEHE!~~

周星馳經典對白

近日喜歡上 face book 一個遊戲 『周星馳經典對白』

可能因為自小已經睇周星馳既電影, 所以一知道有e個遊戲
就忍唔住, 幾乎日日都玩
諗番起有d對白真係好鬼好笑咖 :

『施主我幫你啜緊毒, 仲爭呢度就啜完』
『咩唔妥都係開劑藥既姐，冇第二條路行ga啦』
『我而家送呢對『陷家掃巴剷』俾你, 你著左佢之後呢, 一邊就陷家掃 一邊就陷家剷, 以後可以邊行邊掃地』
『古時有關雲長全神貫注捉象棋刮骨療毒，今日有我聚精會神睇鹹帶鑿骨攞彈頭』
『七孔流血還七孔流血，死還死，兩樣野黎既，千祈唔好混淆』
『呢度D賓客個個都凶神惡殺, 但係又好好"相遇"...真係講你都唔信!! 』
『不過我前排我見你仲倒緊屎ga，點解好地地又轉做洗碗呢？ 』......

周星馳既對白仲有好多....
但係我地人生中又有幾多句對白呢?
又會為咩原因而出現這句對白呢 ?

其實咩對白都不重要, 最重要....
千萬不要把這些對白變成自己的籍口...掩飾自己既過錯

上課天

今日個感覺有D似番學咁呀 ,有呀 SIR 有同學
好在呀SIR 識得搞下氣氛, 個場先冇咁悶,
尋晚真係好好訓呀, 不過都仲好累諗住上堂實釣魚啦
但係結果冇, 聽呀SIR 講野都仲好精神添
係堂上面識到唔多來自唔同階級既人, 聽到佢地既遭遇好似睇緊一百萬人的故事咁
『有一個女人佢坐我隔離咖, 佢本身係一個農夫, 懂事以來佢都只係識耕田
從來都係種菜,養豬, 但係佢而家已經唔可以再做好佢既工作啦
因為HK 已經唔可以再養豬, 蔬菜亦由內地供應
為左維持生計, 佢就被迫轉行, 所以先來考平安咭以便日後找到工作』

佢就係一百萬人裡面既其中一人,
平時睇一百萬人既時候, 已經越睇越心酸....
因為好歹那班人都曾經為HK 付出過, 但最後卻換黎既係晚景淒涼
呀SIR 令我睇番一樣野, 可能平時係唔會覺
但佢一講, 我既反應就係 " 好似又係喎"
佢話:『每個同佢擦身而過既HK 人, 佢地都係冇笑容咖....』

咁代表左 HK 其實唔係一個開心既城市, 因為每個人都好緊張, 都好大壓力

呀SIR 仲分享左一件佢見到好唔開心既事
『有一日我行過一個地方, 見到有兩個已經到左中年既男人係度掃糞便, 剛好有一對母子經過, 母：＂好臭呀行快D啦, E D 咁既工邊係人做咖, 你第時要比心機讀書唔好好似佢地咁呀 " SIR :"你識唔識得咩野叫尊重, 佢地只係冇你個仔咁好命, 有機會讀書, 但係都唔可以咁樣話人" 跟住個兩母子就行走左』

我聽完個反應都係同呀SIR 一樣, 我都會覺得好嬲....

HK 每份工作都需要有人去做, 而家又會有幾多人願意去做D 咁厭惡性既工作, 佢地兩個肯願意去為HK每個人服務, 我真係好欣賞佢地

今日明明係為左拎平安咭而上堂, 但係放左學之後反而覺得上左人生寶貴的一堂

打寫BLOG 之後.....我又要去買醉啦, 唔知會唔會醉到番唔到工呢 ?



****學到一句說話 : 當你越去計較一樣野既時候, 其實你係什麼都不會得到****

2008 年的天后誕

今年同往年一樣都係去下葵涌拜天后兼食埋飯

特別唔同既係帶多左個人去, 就係FANNIE 啦
佢話之前從來都未去過E D 場合所以做朋友既我當然要帶佢見識下啦

係搭巴士途中, 遇到一對非常懶訓既姐弟, 佢地兩個不約而同地一齊釣魚
而且仲流埋口水添, 增加左我同FANNIE 係巴士上既娛樂
FANNIE 仲好衰咁, 眼金金望住人地訓覺, 我有想過拍低短片
不過當我拎出電話既時候佢地已經冇訓得咁熟啦, 所以冇短片睇啦

到左下葵涌, 見到人地舞獅又好自然諗起細佬, 真係好掛住佢打鼓個樣, 都幾型仔咖
又諗起我地一家人好耐都冇一齊去下葵涌啦, 我諗都差唔多8年啦
唔知我地幾時又一家人再去呢 ?

感情儲存箱

你們可曾聽過嗎 ?
那就像一個錢箱一樣, 你放入錢, 它就有錢....到了某一個時候它便會裝滿
而感情儲存箱, 就是放著每天大家為對方做的事
假如你跟愛侶每日能夠放入一些, 日子久了, 它就能夠裝得滿滿的
但假如只有一方付出, 而另一方不繼的索取,
始終會有一天雙方都不會再為大家付出, 那麼大家都變成索取者
這樣儲存箱就只會空著, 直至.......大家決定將它打破感情便會完結了

**** 給各位摯友****
希望所有我愛的人或者愛我的人都能夠學會珍惜

兒童餐

尋日收工, 本來打算報完平安咭就即刻番屋企.....訓餐飽, 事關前日成3點鐘先訓

收左工同fannie 落左元朗, 竟然撞到恆仔, 咁岩恆仔又約左金旦去整平安咭, 索性約埋一齊上去搞啦

整完之後去左食鐵碗拉麵, 我諗左好耐,

諗極都諗唔到自己食咩好而佢地個個都點好哂

恆仔就幫我做左個決定, 就食兒童餐啦,

我好懷疑.....我都唔係兒童可以叫兒童餐嗎 ?

叫左個侍應過黎, 我話要食兒童餐,

佢好唐突咁問" 你真係要食兒童餐呀?"
我就話"係咪唔係兒童唔可以叫兒童餐呀'

佢話"唔係, 不過你真係決定左嗎?"
我話"係咪因為好細份你驚我唔夠食呀?"

佢就話"唔係, 都係差唔多姐"
我話"咁就要兒童餐啦"

佢話"兒童餐飲咩呀? 可以選免費益力多"
我話"咁就要益力多啦"

佢就同侍應A講"兒童餐, 比支益力多佢"
我聽完當然係忍唔住大笑啦.........hahahahahahha

兒童餐仲有3隻鎖匙扣送添呀, 恆仔冇介紹錯呀.....

食野既時候......恆仔繼續發揮佢既幽默本色, 引到我地幾個笑到碌地

連隔離枱既人都用一些奇異目光望住我地...為免被人趕走,

不如我地自己走先, 轉左地方食糖水, 又可以大聲講大聲笑...........

你們給我的歌

昨日係電腦度睇番好多幾年前既相片
腦海裡浮現左好多一幕幕快樂既回憶
更令我記起那首歌........

『陪伴我在身邊 飾演天使

凝聚在我心中 無比的恩賜

你每說一些好主意 令我似配得百合匙

從此可開啟困境之處

陪我笑 陪我哭

陪我一起想過去

陪我哼一首最愛的戀曲

尋到你 而滿足 明白以後怎繼續我只需身邊有你 贏得勇氣』

*** 從來我覺得自己渺小.......但卻在你們眼中變得重要 ***

My Paddington Bear

痛苦的第一次

昨日係我第一次通淋巴...........
行入去個陣已經好緊張 & 驚, 做左research 第一次通係好痛咖
十個有十個都係咁講
行到入房換好哂師傅為我準備既服飾之後, 佢就叫我訓低...
先按腳背............真係好痛, 個師傅就係咁話你的淋巴好塞呀, 塞得好犀利
所以先咁痛, 那我當然知啦, 唔係我又點會黎通姐.....
又不停講解淋巴塞會有咩毛病, 將來又會點點點, 真係好煩
按到大腿, 直頭又癢又痛............辛苦到極
個師傅話唔敢按咁大力, 因為我係第一次 同埋佢驚我以後會怕左通淋巴
我係怕痛姐, 但係我都會繼續既......為左健康著想
**********不過~~ dr 通淋巴價錢比起出便都幾貴, 所以都係出便通好d

一小聚

今日好開心呀 , 終於可以見到wingwing


wingwing & dada 今日素源畢業, sue 就約埋我同ivan 去接放學

計下日子有好幾個月冇見呀wing啦, 我真係好掛住 & 擔心佢
未見到佢之前~好驚會再見佢唔到


一上到a記門口行入去就見到wingwing, 我即刻速過去送左一支太陽花比佢

跟住唔洗講, 當然要黎個擁抱先啦, 個刻有d開心到喊......好彩d眼淚浪住係隻眼度冇流出來, 否則佢地又會話我傻妹...

接完佢地之後去左澳門茶餐廳食野, 又係開開心心, 嘻嘻哈哈咁食一餐
之後仲約定左 5月11日大家一齊去遊車河~~好期待呀, 到時又見啦..........各位 不dee

食完野之後, ivan 車左我去西隧搭巴士, 今次係我第一次坐法拉利咋....我發覺有好多第一次都係比左ivan.....佢真係帶我見識好多野

佢仲問我有冇試過貼背.......我話未, 佢就即刻比我試下啦....仲撞埋頭添, 法拉利其實唔係真係咁好坐咖咋, 都係得個『快』字

*****睇唔出原來dada 都係2號仔..同我有著同一樣既特質

第二型 ─ 助人者

健康的第二型是感情投入的、體恤的、並對別人充滿情感。總是能將心比心，照顧關懷他人的需要。他們誠懇、熱心、有鑑賞力、並且鼓勵他人。對他們而言，服務是非常重要的；他們非常大方，總是給予和幫助他人，充滿愛與體貼，給人們所需要的，即使溢出他們的常規也照做不誤。最佳狀況：變得極為公正無私，不為自己著想，總是為他人著想，給予他人無條件的愛並且不求回報，覺得參與別人的生活是一種榮幸，是「聖潔的」、慈悲為懷的、謙虛的、並富有同情心的人。
世界觀
我的天職是助人成就大業，我願意成全我所喜愛的人，我亦深信他們萬萬不能沒有我！
領導方式
善於鼓勵他人發奮圖強，肯為大局而犧性，善解人意，以人為本的管理模式。
外表與氣質
笑容滿臉，熱情可愛，天真爛漫，永遠有一張長不大的孩子臉，富有誘惑性，可隨時變換成你喜愛的模樣出現。
說話方式
「噢！要你等待，真對不起。」
「請來坐在這裏，這裏舒服一點！」
「你真有心，專程來看我！」
處於安定和人格提升時
走向第四型，為自己的心願堅持到底。
處於壓力和自我防衛時
走向第八型，橫蠻無理，自大，任性，將自己的主意強加於他人身上。
側翼的和諧整合 (人生得意奮發時)
傾向第三型，更能和人打成一片，喜歡別人注意自己。做事更活躍、有信心、雄心壯志，也更追求成功和與人爭競。
側翼的影子形態 (人生失意受挫時)
傾向第一型，會比較客觀和具智慧，不會偏重感性的層面。也可能更理想化、自以為是，有自我批評和判斷人的傾向。
個人修持的臻化境界 (人性的美德)
謙卑、無私的慈悲。
個人執念和難以駕馭的陋習
驕傲、自負、有所恃。
行為動機
希望表達自己對他人的情感，幫助他人，喜歡因自己所做行為被感激，成為別人有重要影響力的人，與他人親近，喜歡被他人需要，控制別人，並正當化他們對別人的要求。
潛在恐懼
害怕孤獨和不被喜愛。
潛在渴望
被人關懷、愛護。
會比人強的智能
情緒智能EQ
性格傾向
外向，主動，感情豐富。

眼訓日

ZZZZzzzz

全日都好想訓......事關前一晚
部冷氣可能因為太耐冇開既關係, 成晚都嘈衣巴閉...
熄左佢 d 蚊蚊就飛出黎錫我, ................

唉....都未試過咁慘咖 / \ 嗚嗚嗚嗚......

Lunch Table Six

今日一行八人去左祖凡尼食 lunch , 因為場地所限所以一定要set 過d枱

但係......侍應大哥set 到table six 既格局, 真係有點兒....................

*你知唔知道.....有人暗戀你

尋晚番到屋企, 好累.......
但係我如常開著個收音機聽森美, 小儀既節目

佢地有一part 題目係"你知唔知道..有人暗戀你?"
聽左咁耐, 成功既故事都聽唔少
但覺得感動.....激動既只有今次........

『個女仔叫呀諗, 一個高高瘦瘦頭髮長長既女仔......佢暗戀既人中四已經認識, 中五仲坐埋隔離, 個男仔叫王郁(聽到個名都想打兩拳.....事關森美有個同事都叫王郁, 當然唔係佢啦, 但係都差冇幾,一樣成舊石咁)同平時一樣兩位主持人聽呀諗了解左一輪之後就打電話比王郁, 又同王郁傾左一大輪先入正題, " 你知唔知有個女仔打左上我地既節目....話暗戀你, 你自己本身有冇覺得被人暗戀先"王郁話有, 森美就叫佢形容下個女仔個外貌, 把聲.........開頭都唔知係咪真係形容緊呀諗, 之後最重要.....叫佢講個女仔個名出黎 " 呀諗.........." bingo 中左 , 跟住就等佢地係大氣電波中對話.......呀諗"我好鍾意你", 但竟然呀王生....未識得反應, 真係想打鬼死佢............靜左一陣先識講"我都好鍾意你"我覺得呀諗真係一個唔錯既女仔.....又有勇氣 , 仲體貼地講左一句"後日要考試呀........"e一句連森美都覺得冧爆.....之後同個男仔講"你呀係度收左線之後記得打比呀諗呀", "呀諗如果佢對你唔好記得打比我...."

咁就大團員結局 , 聽左咁耐....好少ending 係咁好, 咁sweet............

2 + 2 Happy Birthday (Part Two)

往年生日, 都係同朋友食下飯......都好少有禮物收
但係今年多左一班好錫我既同事
我覺得自己真係好幸運.........因為上天比左好多好野我

*** e 座野......真係搬到我身水身汗 , 包住既時候真係估佢唔到呀, 原來係雪糕機

正 ............... 可以隨時隨地食雪糕啦, 不過好快會變大肥妹

諗心一層都係貢獻d 雪糕比人食好過啦 , 哈哈哈哈哈哈....

我要你地個個都肥過我

2 + 2 Happy Birthday (Part One)

今年~生日正日, 第一次同 benny 佢地過, 都係開開心心, 嘻嘻哈哈食餐飯 ,
今次算係我過得最開心既生日啦, 我知道『永遠都係你地都係最錫我既.....』
*benny 話 : 個個結哂婚爭你喎......
我話 : 我.....冇咁快啦, 老ben 過左25先講啦。

---> 咁岩生日六合彩頭獎 $3600萬.....第一次7個人一齊夾錢買六合彩.......
好好笑地, 望住張紙寫好哂no. 已經覺得實中梗, 仲話每人會分到 $500萬, 之後每人拎 $100萬再買過六合彩 , $100 萬買層樓收租...........真係好好笑, 成個過程我地有行動(買左六合彩).....不過冇運氣, 各位下次努力啦。

多謝 ivan 請食鵝 ......

好耐都冇試過係公司慶祝生日, 對上個次係德信...已經05年既事啦, 話咁快就過左3年

今日成班同事一齊飲茶 --->食b仔涼粉 --->蛋糕 ---> 鏞記燒鵝 --->蛋糕

食左好多野呀 ----- 一定肥好多啦 !!!!!

Zero

29/3 Sat

個日家姐放假 , 一齊去左行街

沿途聽到d 音樂播得好大聲, 所以就行左去睇

原係 ................... zero

條利同d眼仔係度做宣傳

A beautiful HK

***這就是香港醉人的地方***

吃唔飽的lunch

今日同所有c10既同事去左米埔村拜神..
有一隻大豬 , 三隻燒鵝 , 同三隻雞 , 但係.........
一d都食唔飽 , 事關村民太多.........唔夠分 /.\
好彩最後iddie 買左野番黎比我地食咋 , 如果唔係都唔知點算

**當他們專心拍照時......被我偷拍了...哈哈哈...

****當我地番到公司 .... 等食既時候, 呀pat 既言論忽然大膽了...

個個都比佢嚇親

興奮的上班日

今日第一日番工 , 我完全冇放假後遺症
仲有d興奮 , 因為我既同事大部分都去完旅行番黎啦
佢地又為國庫增添了好多野食 ..... 正 !!!

一袋二袋既野食 ......
好似枕頭咁大包既棉花糖

呀康買的 ** 布丁味 kit kat **

第一日假期

e 度每一個景都好靚呀 !!!

復活節假期第一日我去左珀麗灣 ....

個度出名係一個無煙城市 .....吸淡氣都清新d

好Q既鬆獅狗 ......

個日沿途都有好多主人帶狗狗散步 , 有D什至搭船入去都帶埋隻狗

慶祝生日 -- ivan & me

19 - 03 - 08

今日小組只有5個人慶祝ivan 同我既生日

又少左兩位老闆 ......... benny 同呀wing

今次個生日蛋糕好靚呀 , 係呀sue 選咖

佢話我同ivan一樣咁鍾意車, 所以就選左e個蛋糕....... 多謝哂呀sue

食飯地點 ---- 佐敦泰屋 , 都係呀sue 選咖 , 佢今次真係最大貢獻啦........

事關我地小組都好耐冇出黎食下飯傾下計啦

見番佢地 ....大家又嘻嘻哈哈咁食一餐飯....又講下大家既近況

*** 識左你地差唔多3年啦 , 亦係我人生中最美好的3年

你地令我覺得自己並唔係咁渺小 ...

希望~~我地 friendship forever 啦 !!!!@@!!

我做的芒果芝士蛋糕

14 - mar - 08

今日整左個芒果芝士蛋糕番公司食

個個都話個樣好似芒果布丁 ......

有d話係楊枝甘露芝士蛋糕 ........咩版本都有

點都好 ..............下次會再整好d ,

因為今次我覺得整得唔係咁好 ......

令到我好想去學下整甜品

踩單車 (一)

沿途d景真係好靚呀 , 我掛住影相影到包尾呀 / . \

去到科學園連個廁所都靚過人 .....

踩單車

我們的大合照

PAt & iddie

Me & Michael

16 - mar - 08

今日9點幾起身.....換衫出發

11點到左大圍

其實都好興奮同好期待 .......

因為以前都冇出過黎踩單車..

今次行程 大圍 -->大埔 -->大尾督 -->大埔

出發之前個個都好型仔咖.......但係之後

個個都叫哂救命 ...話e度痛個度痛

踩到5點半 ...本來大家諗住食埋晚飯咖 ...

不過..真係好累呀 , 個個都周身痛 , 特別係patpat ......位置

都係早d番去休息吧啦......

BBQ 樂

15 - mar - 08

約左好耐既bbq 日到左lu

事前已經話要玩到 06:00.............

我真係玩唔到咁耐呀 , 我聽日仲要去踩單車呀....

如果唔洗踩單車 ..玩到幾夜都冇問題

最後...我玩到11點幾就走左

而佢地就 bbq 直落唱k...真係開心

呀寶仲介紹左個朋友比我地識...佢叫做金旦....

本來都有同佢影相.....不過 ...

佢實在太.......誘人犯罪啦 , 無謂放d相上blog啦

咁次呀寶真係.......好介紹

危險 ...

這個警號又出現啦 , 覺得不能再跟"他"下去.........

因為我有種想離開的感覺

其實自己知道星期六係唔可以去咖 , 去左又會再離"他"遠一點

但係 ...我真係唔知點好

尋晚因為咁 ...喊得好犀利 ,又想走又放唔低 ,感覺好難受

所以去左飲酒...諗住飲醉左當早d訓 , 咩野都唔洗諗

唉.......不過最後都係冇醉到

人就係咁咖啦 , 唔開心既時候飲酒飲幾多都醉唔到 ,

開心既時候連飲水都會覺得醉醉地,

哈.....人就係咁可笑同無奈

心情

在畫裡你看到什麼 ?? 相信看到什麼=你的心情嗎 ???

一波平左另一波又起

今日...全日都忍不住"唉聲嘆氣"

一邊廂已經解決了, 可以鬆一口氣時 ......

另一邊廂又.......

我只可安慰自己 說"天下無不散之延席...."

每一份工作或宴會都必須有散席及完結的一天

但不代表不會再見 ....

*希望他離開時 , 我能控制得住......

oh ...very bad news

今日知道左個壞消息.....

一個 office 大部分人聽到都好唔開心既消息 ,
因為咁 ....office 多左份愁雲慘霧

香港剛剛少了一顆開心果 ,現在 office也少了一顆開心果

前者是屬於香港的 , 後者是屬於10wsd06 office 裡每一個人職位比她低的人

今日...嘆了很多氣 , 連呀ben 都忍唔住話我......做咩成日嘆氣呀 ...唔好再唉聲嘆氣啦

嘆就是嘆 :

人真係唔可以貌相....同佢工作左一段時間

外表..工作唔算努力因為in trade 永遠都堆滿沒看過的文件

安排工作永遠都唔清唔楚....永遠單靠估

但係而家.......事件竟然會演變成咁

我應該話你係上進..有大志 定係話你為求明利不擇手段呀 ???

確實一句真係不可看小你 。

開花啦 ...

我盤紫羅蘭終於都開花啦 ,

都種左差唔多成年 .... 估唔到一開就開咁多....而家起碼有10個頭準備開花啦

真係開心死啦 ..........

我同jason 既變身特輯

有音樂的 ....

玫瑰花

唔知幾時開始 , 媽咪戀上了玫瑰花 , 記得以前她總會說買花是浪費

可是現在屋企餐枱上總會放上一束玫瑰花

給她的香檳金玫瑰

昨日係去追思會既日子 , 去的前一晚我已經準備好一扎她最喜愛的香檳金玫瑰

要不是她最喜愛我想我一輩子都不知道這就叫做香檳金玫瑰

追思會上 , 氣氛好沉重............充滿哀傷.....

螢幕上播放出一段段...紀念片段 , 留意到會上每日人都不禁流下淚水, 當然我都一樣

到每個人致詞......聽得出每個人的聲音都好重鼻音想必一定是哭過.....傷心過

到了鄧 xx 的出場 , 他的言論叫全場哄動......每個人都熱烈鼓掌 , 可是他說的話真是不是時候

而且大家都是旁觀者 , 很難加以評論.........不過看到 joyce 的出場

她真是.........成熟了 , 相信已叫每位長輩安慰