1st Time

e 隻龜龜 , 我養左佢咁耐都係第一次見到佢食野咋

philip mother cake

e件叫做

-- 印尼千層蛋糕, 共有11層
聞落去好香, 食落去好味, 整落去就 ......... 煩

新相識 --- Icy

Icy -- 一個出世

左一個月既BB女, 比起上次出世左幾日既佢, 而家肥左一點, 個樣似番個女仔啦,

世事就是這樣不可理解, 一個剛出世的BB, 感覺卻非常親切

To: Icy -- 我們遇上了總是一點緣份, 相信你日後必定幸福快樂 !!!

Pat之零食櫃

Pat~係一個身形嬌小既女仔, 千萬唔好睇小佢 ------- 個胃, 每次食飯既時候, 當個個人都飽到停哂手, 佢都仲可以一手拎住個包, 筷子夾件蘿蔔糕咖 , E個係佢放零食既地方, 零食對佢來講有如飯後甜品, 是她每天必須的

千萬別看小她

忌廉溝鮮奶

BB 抱

佢係我隻八哥 ---- 小but , 佢已經5歲啦 ,

仲生左兩胎添 .........但係佢依然好似個 BB仔 咁比我地用抱 BB 既方法抱

--e 種就叫做 BB 抱

齊齊坐---食食飯---排排企---洗洗碗

有一日 lunch 好齊人食飯 , 齊到.......

坐哂成個 conference room 好少可咁熱鬧一齊食飯,

事關前一日係俊和個便拜神叫左到會, 請哂所有contract 既同事去,

我地食完又拎 , 就係咁連第二日既 lunch 我地都有著落,

哈哈哈....我地真係利害呀

食完個 lunch 仲有3位偉大既同事洗碗 ----- 真好 !!!

我們第一次的打邊邊

打完羽毛球之後, 我地去左打邊爐, 唔係好敢食咁多野呀, 因為運動過後食野會好肥咖><, 我已經比之前肥左好多啦, 我唔想再肥落去呀 ~_~", 加上又怕會再肚痾呢 !!!

ps. 聚龍閣d邊爐真係麻麻地d野唔係咁新鮮, 除左個粒雪米滋之外冇咩其他野係掂既.........埋單之後佢地比左張會員卡我地, 但係我地都話唔會再有下次囉 。

全場最好味既雪米滋

我的新寵物

佢係我既新寵物 ~~ 一條 BB魚, 佢剛剛出世冇幾耐咋,

仲係好嬌小, 佢間房就放係我公司張枱上面, 實行陪我並肩作戰

哈哈哈哈..........

別告訴他人----你有腸胃炎

病到而家, 個肚仲咕嚕咕嚕.........

食左d藥係止左嘔, 不過而家又有第二個問題 ------- 肚痾

尋日食完一個 lunch, 半個小時內我痾左3次.....

今日我地成班同事仲會一齊出去飲茶添.......

佢地為左我唔再肚痾聽日可以順利去打邊爐, 只係叫左碗粥同菜比我食

個感覺好似食緊減肥餐咁, 一碗皮蛋瘦肉粥加一d走哂油既菜.. /. \ 嗚嗚嗚.....

我最愛既點心都冇得食, 仲有油雞,叉燒........

我只係望住佢地食簡直係一種虐待 & 折磨 ...............

我決定以後都唔會比人知道我病, 睇下你地仲有冇機會要我戒口。

不看不看還需看 ---

2008年1月6日

本來係比比生日係搞企bbq咖,

但係我病左 ..

下午既時候其實已經覺得個胃好痛同好想嘔

開頭一路忍住冇去睇e生, 仲痛到成個人都冇哂心機,

跟住番左屋企食左喇叭牌就訓左 , 點知一醒就....出事啦

下午食過既所有野都嘔番哂出來, 從來未試過嘔得咁犀利咖

嘔完抖左一陣, 都係頂唔順去左睇e生, 『唉....終於都係要去 ---』

去到e生度, 又嘔過 ......................

今次真係連黃膽水都嘔埋, 唔知d大肚婆係咪咁既呢 ????

係就慘啦, 我實死都唔生呀, 咁鬼辛苦 !@~@@~!~

睇完e生食左d藥個胃終於冇咁痛啦, 不過~~始終都唔可以 bbq ,

人地就bbq, 我就係度食白面包,. 唉................

綿花糖

hello kitty ---綿花糖, 好Q ....有邊個會捨得食呀????

昨夜長風

尋晚睇左套戲叫『昨夜長風』, 好好睇, 主角由袁詠儀, 劉青雲做咖,

一個浪漫、現實而又感人既現代愛情故事, 雖然已經好耐歷史,

但係對白依然令人好受落 ex:劉青雲『你走到邊我追到邊, 你走到天涯海角我就追到天涯海角』

現實應該冇人會講得出, 但係劉青雲講得真係好真....

見到佢而家終於被認定真係好開心,

睇完E套戲我先發覺原來劉青雲佢係陪住我成長,

我屋企裡面大部分既VCD佢都有份做男主角,

咁岩佢係1986年拍第一部戲, 難怪好似有種情義結咁,

佢上映親D戲我都想睇,

而E套戲曾經仲被形容為『比世上任何一種音樂都更動人更優美』, 形容得真係好貼切 -----

the first

今日係2008...第一日番公司

依舊 ........張枱好亂 , 有被搜略過既痕跡 , 呀姐準備既茶
一d 等緊我執既file ........勁忙碌既一日呀

記得 31/12/07 臨收工個一刻 , 各位同事都懶 get咁話下年見啦 , .........好爛呀 .

最後一晚

我2007年最後一晚, 係屋企bbq~打麻雀

hahaha~最後一日, 我都係大嬴家
電視上既煙花好靚呀 .........

不過我真係唔鍾意同人迫埋一齊既感覺 , so E D 節日真係咪洗指意我出街

各位 happy 2008 ~!~~!@@@!~! ~~ ahahahahah .......