-- Wedding --

我既朋友 -- dada 既wedding上去睇下啦

www.da-ric.com

個日我冇去到 , 好遺憾.....好抱歉
願你們日日都開開心心 , 甜甜蜜蜜 。

2007年~最 後 的 祝 福 ^^

願世界上~所有人
2008 年事事順利 --- 身體健康

健康是人生中最大的財富 , 請各位好好保重
不要過份勞累呀 !! ~

BBQ---28 Dec

12月零舍多活動~

搞左個bbq~係元朗., 又有野食任食, 又有獎抽 ----我又多左份禮物啦, 抽中左支紅酒

下午~係公司包禮物個陣, kaman 好好笑佢見到我係咁包禮物, 包完一份又一份

佢就話 『你好鍾意包禮物咖 ? 做咩包咁多既, 你係咪想包完自己拆番呀 ?』

我......冇野講, 只係笑

事關bbq~抽獎係冇人知咖, 諗住比個驚喜每位到場既同事, 所以佢咁講係唔出奇

哈哈哈...又多左份禮物呀 !!kaka ka..

『成班人一齊~講大話既證據』

佢叫『大隻佬 』---我好鍾意企係佢隔離~因為佢夠大隻, 企係佢隔離我覺得自己好渺小

Office ChRisTmas pArty & LiSA bIrthDay

今年~24 dec 咁岩又係lisa 生日, 搞christmas party 之餘幫佢慶祝埋生日---
不過開頭個個都冇咩野講好靜.....大家都係同事日見夜見--竟然咁靜, 可能因為老闆係度啦
我地去左食泰國菜, 間野叫旦王花, 個名好似怪怪地, 前身係三號幹線餐廳, 個景都唔錯咖-
d野食都唔差-----好過 11wsd06個便囉, 至少唔洗食大家樂啦, 近排成日搞party,
一係就office 入伙食個d野都食到...............『厭』

我地 10wsd06 當然要衝擊下啦....食下d新野先得咖嘛






philip~食到10隻手指都係咖哩...好核突

~happy birthday to lisa~

Beach Gathering

22 Dec 2007


海灘派對---去之前好緊張,唔知去唔去好因為個日造冬, 要趕住番屋企, 又唔知有咩人去, 又唔知會玩d咩........


地點係尖沙咀~當然最後都有去到, 仲有50幾人去添
聽聞上年只有9個人到, 所以~灘叔佢好意外---kakaka....
我一去到, 灘叔講左句hello~, 之後就問我『e...仔定女呀?』我忍唔住, 係咁笑.....我係比之前肥左, 仲肥到灘叔以為我有左bb...., 番到屋企我都覺得e句話好好笑,
灘叔一如以往好流暢咁講野~仲教我地做左個 放輕鬆動作(好好笑)等我地工餘既時間可以輕鬆下

『灘叔~給我的禮物』




個日都好早走呀~5點到就走左, 因為要趕番屋企造冬......各位下年再見啦 !!! 全女照---謝絕男人
『聖誕細b 』係一位灘友既bb~~真係好q, 好肥, 好得意呀 !!

一小聚

今日我同呀sue, 約埋一齊去睇ivan 同 tracy 第二號結晶品 ---icy

佢係一個bb女, 不過好鍾意訓覺, 事關我地去到都未見佢醒過, 訓得好熟

就係咁..做就左我地小組黎左個一小聚, 睇完bb 就出左去九龍城食野, 去左食泰國菜 『金寶』個款好似幾出名咁, 連續幾間痴埋一齊, 野食都ok 咖

ICY

『hihi !! 我叫icy , 係ivan & tracy 既二號結晶品, 剛剛係12月16日法國醫院出世, 比預期既時間早左3日出來見大家, 日後多多指教。^^』

必需 、必看 、必讀

香口膠 及茶 是我每日的必需......冇左佢地仲慘過冇帶銀包出街

香口膠 ---- 一定會有一包有枱面同手袋 , 冇左佢我一早係唔會同人講野 , 此舉避免左 "人地既尷尬 , 自己既唔好意思"及"衛生問題" , 總之 在我眼中 ----口臭no way .

茶 ----每日有佢提提神 , 做野自然好醒神 ....每日呀姐都會準備好一杯放係我枱面 .

My Plant *~是我每日必看的.......我唔想錯過佢地每日既成長 , e 張相係12月11日影咖 , 比12月10日個張又多左d苗啦 , 距離食我親手種既蕃茄既日數又縮短左了......哈哈哈

《細野卜卜》 是我必讀既書 , 本身本書並唔係買比自己 , 係為我男朋友而買 , 佢求左我好耐叫我送比佢 , 當然佢唔係冇錢買 , 只係想我送一樣佢喜歡既野姐 , 我買左之後我冇即刻比佢 , 我打算收埋係佢個枕頭等佢自己發現 , 但係我係好奇心驅使之下 , 拎左出來睇 , 一個晚上我已經睇左一大半 , 當然佢唔知道我比佢更早睇過啦 , 睇完之後真係好欣賞 夢特嬌全 同埋覺得自己真係好幸福 。

*其實每個人都應該要擁有一本 , 可以時刻勉勵自己 。

齋 ...

有一日同d 同事去食齋 .....叫左一份公司三文治 , 裡面有(齋)咸牛肉碎 , (齋)火腿 , (齋)午餐肉 ........

究竟何謂齋 ...?

環保 ???

唔係話要支持環保咖咩 ???
一杯雪糕 , 兩張雪糕紙 .......

My Plant ~*

紫羅蘭 - - 現成買番黎, 而家換左個新盆希望佢快高長大快d開花啦

仙人掌同紫羅蘭---一齊買, 一齊放係公司.....都唔係好記得種左幾耐啦,

不過佢就越來越粗..只係唔識得高

-----------------------------------------------------------------------

以下既盆栽, 就係我自己種咖

12月4日落種

12月10日出苗 - - 一見到佢出苗就忍唔住同佢影相 , 一個星期既成果 , 已經非常興奮 , 哈哈哈...

(因為始終係自己親自落泥, 落種子, 每日淋水)

蕃茄

正 ---

以前我去到內地只係按摩修甲---> 過關走人, 永冇坐定定食d野......因為怕唔乾淨又怕比人落藥。


我有一個普通話老師就話上到內地唔食下d地道野就過關走人, 根本是白去。

終於~有機會坐定定食餐飯, 我同我堂姐--伯娘一齊去整水晶甲, 我堂姐就興致勃勃咁話"整完去食四川菜好冇呀??好好食咖, 我上次食到.........." 我其實本身唔食得辣咖--不過見佢講到咁好食我咪當見識下囉.......人一生真係咩野都要試下既















水煮魚 -----成碗辣椒加湯加魚片, 一見到我眼 都凸埋, 因為好似好辣咁呀 !














麻辣野菜 -----d 菜係生咖 ......係用d 辣椒溝埋 一齊















辣子雞 -----e 味野 真係好好食呀 , 將d雞炸到 脆卜卜, 溝辣椒 --好正呀....















麻辣青瓜 -----係頭盤黎咖, 凍食都好好食咖

食完餐飯之後, 夜晚小個便......係熱辣辣咖, 大個便....好似燒著個patpat咁, 我有個朋友話 '食餐飯好似攞苦黎辛咁'
但係..餐飯真係好好味喎, 食到個咀有d麻...個感覺好似腫左咁, 條脷就好辣...辣到不斷咁伸縮.....

都幾得意呀---都唔係好苦姐, 至少我一定會再幫襯囉 ...哈哈